ELM VƏ TƏHSİL


Azərbaycan alimi Türk Dünyası Araşdırmaları Beynəlxalq Elmlər Akademiyasının həqiqi üzvü seçilib

Bakı, 9 dekabr, AZƏRTAC

Bakı Dövlət Universitetinin (BDU) Botanika kafedrasının müdiri, AMEA-nın müxbir üzvü, professor Elşad Qurbanov Türk Dünyası Araşdırmaları Beynəlxalq Elmlər Akademiyasının həqiqi üzvü seçilib.

AMEA-dan AZƏRTAC-a bildirilib ki, alim, həmçinin dünya elminə verdiyi töhfələrə və yüksəkixtisaslı kadrların hazırlanması sahəsindəki xidmətlərinə görə akademiyanın “Beynəlxalq qızıl ulduz” medalına layiq görülüb.

Bu münasibətlə BDU-nun Botanika kafedrasında keçirilən tədbirdə Türk Dünyası Araşdırmaları Beynəlxalq Elmlər Akademiyasının Azərbaycan üzrə nümayəndəsi, professor Elçin İsgəndərzadə akademiyanın diplomunu, “Beynəlxalq qızıl ulduz” medalını və vəsiqəsini E.Qurbanova təqdim edib.

Elçin İsgəndərzadə görkəmli alimin zəngin elmi fəaliyyətindən, biologiya elminin inkişafına verdiyi töhfələrdən bəhs edib. Bildirib ki, E.Qurbanovun botanika sahəsində yaratdığı məktəbin əldə etdiyi misilsiz nailiyyətlər, qazanılan uğurlar dünya elmi ictimaiyyəti tərəfindən yüksək dəyərləndirilib. Onun qələmə aldığı dərslik və dərs vəsaitləri respublika botanikləri, torpaqşünasları və ekoloqlarının stolüstü kitabına çevrilib.

Sonda AMEA-nın müxbir üzvü E.Qurbanov təltiflərə görə Türk Dünyası Araşdırmaları Beynəlxalq Elmlər Akademiyasına minnətdarlığını bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.