ELM VƏ TƏHSİL


Azərbaycan alimləri beynəlxalq əməkdaşlıq çərçivəsində çap olunan kitabın həmmüəllifləridir

Bakı, 17 aprel, AZƏRTAC

Dünyanın nüfuzlu nəşriyyatlarından olan “IGI Global” nəşriyyat evində İspaniyanın Qranada Universitetinin alimləri Laura Alcaide-Munoz və Francisco Jose Alcaraz-Quilesin “Sosial media vasitəsilə elektron iştirak təşəbbüslərinin optimallaşdırılması” kitabı nəşr edilib.

Kitabın “Elektron dövlətdə sosial medianın rolu və təsiri” adlı ikinci fəslinin həmmüəllifləri Azərbaycan Milli Elmlər Akademiyasının (AMEA) akademik-katibi, İnformasiya Texnologiyaları İnstitutunun direktoru, akademik Rasim Əliquliyev və institutun şöbə müdiri, texnika üzrə fəlsəfə doktoru, dosent Fərhad Yusifovdur.

İnstitutdan AZƏRTAC-a bildirilib ki, bu fəsildə sosial mediadan istifadə edən hökumət orqanlarının vətəndaşlarla qarşılıqlı əlaqə qurmaq üçün razılaşdırılmış uzunmüddətli məqsədinin mövcudluğu, e-dövlətlə vətəndaş arasındakı əks əlaqənin qurulmasında sosial şəbəkələrin rolu, e-dövlətdə sosial mediadan istifadə və idarəetmə mexanizmlərinin transformasiyası kimi məsələlərə baxılıb.

Qeyd edək ki, bu iş Azərbaycan Respublikasının Prezidenti yanında Elmin İnkişafı Fondunun maliyyələşdirdiyi qrant layihə çərçivəsində yerinə yetirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.