MƏDƏNİYYƏT


Azərbaycan beynəlxalq musiqi yarışmasında iştirak edəcək

Astana, 25 sentyabr, АZƏRTAC

Qazaxıstanda “Silk Way Star” (“İpək yolunun ulduzları”) beynəlxalq musiqi yarışması keçiriləcək. Sentyabrın 30-da start veriləcək yarışmada Azərbaycan, Qazaxıstan, Özbəkistan, Türkiyə, Tatarıstan və digər ölkələrdən ifaçılar iştirak edəcəklər.

AZƏRTAC xəbər verir ki, “Qazaxıstan QRTR” Səhmdar Cəmiyyəti tərəfindən keçirilən beynəlxalq musiqili yarışması iştirakçı ölkələrin televiziya kanallarında yayımlanacaq.

Layihənin konsepsiyasına əsasən iştirakçılar təmsil etdikləri ölkələrin mahnıları ilə yanaşı, qazax bəstəkarlarının da mahnılarına müraciət edəcəklər.

Yarışmanın münsiflər heyətində beynəlxalq səviyyədə tanınan məşhur müğənnilər və prodüserlər yer alıb.

Üç ay davam edəcək layihənin sonunda qalib iştirakçıların və dəvət olunmuş ulduzların iştirakı ilə qala-konsert təqdim olunacaq.

İlahə Əhmədova

AZƏRTAC-ın xüsusi müxbiri

Astana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.