İDMAN


Azərbaycan boksçuları Fərqanədə beynəlxalq turnirdə iştirak edəcəklər

Bakı, 18 may, AZƏRTAC

Yeniyetmə boksçulardan ibarət Azərbaycan millisi beynəlxalq turnirdə qüvvəsini sınayacaq.

Azərbaycan Boks Federasiyasından AZƏRTAC-a bildiriblər ki, yığma mayın 20-24-də Özbəkistanın Fərqanə şəhərində keçiriləcək yarışda gücünü yoxlayacaq. Komandamız turnirə bu gün baş məşqçi Vaqif Kazımov və Ağası Məmmədovun rəhbərliyi altında yollanacaq. Yarışda ölkəmizin idman şərəfini Bilal Nəzərov (44 kq), Faiq Mollayev (46 kq), Vaqif Hacıyev (48 kq), Tağı Nəsibov (50 kq), İbrahim Zeynalov (52 kq), Məhəmmədəli Aşurəliyev (54 kq), Məhəmmədəli Qasımzadə (57 kq), Murad Seyidli (60 kq), Məhəmməd Quliyev (63 kq), Ziya Həsənov (66 kq) və Ayxan Əliyev (70 kq) qoruyacaqlar.

Turnirdə Fikrət Hacıyev isə referilər arasında yer alacaq. Millimiz Vətənə mayın 26-da qayıdacaq.

Qeyd edək ki, yarış sentyabrın 23-dən oktyabrın 2-dək İtaliyanın Montesilvano şəhərində təşkil olunacaq Avropa birinciliyinə hazırlıq xarakteri daşıyır. Mayın 12-dən Bakıda başlayan təlim-məşq toplanışı turnirdən sonra da davam edəcək və boksçularımızın bir neçə yarışda iştirakı planlaşdırılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.