Bakı, 13 yanvar, AZƏRTAC

Azərbaycan çempionu “Qarabağ” klubu bu gün yoxlama oyunu keçirəcək.

AZƏRTAC xəbər verir ki, baş məşqçi Qurban Qurbanovun yetirmələri 2023-cü ildə ilk sınağına çıxacaq.

Yanvarın 4-dən Antalyada təlim-məşq toplanışında olan Ağdam təmsilçisi Polşanın “Rakuv” klubu ilə qarşılaşacaq. Görüş Bakı vaxtı ilə saat 18:00-da başlayacaq.

Qeyd edək ki, yanvarın 23-dək qardaş ölkədə olacaq “Qarabağ” yanvarın 18-də iki matça çıxacaq. Təmsilçimiz "Çukariçki" (Serbiya) və "Poqon" (Polşa) ilə üz-üzə gələcək.