Azərbaycan davamlı və yüksək iqtisadi artımı, daxili və xarici təsirlərə dayanıqlılığı qarşıya məqsəd qoyub

Bakı, 2 fevral, AZƏRTAC

Azərbaycan uzunmüddətli dövrdə davamlı və yüksək iqtisadi artımı, daxili və xarici təsirlərə dayanıqlılığı qarşıya məqsəd qoyub.

AZƏRTAC xəbər verir ki, bu barədə Prezident İlham Əliyevin Sərəncamı ilə təsdiq edilən “Azərbaycan 2030: sosial-iqtisadi inkişafa dair Milli Prioritetlər”ində deyilir.

Bildirilir ki, uzunmüddətli dövrdə iqtisadi artım sağlam və tarazlı olmalıdır. Belə iqtisadi artım ölkənin davamlı inkişafı üçün möhkəm zəmin yaradacaq. Bu prioritetin effektiv həyata keçirilməsi üçün aşağıdakı iki məqsəd təmin olunmalıdır:

- davamlı və yüksək iqtisadi artım;

- daxili və xarici təsirlərə dayanıqlıq.