CƏMİYYƏT


Azərbaycan demoqrafik inkişaf baxımından Avropa ölkələri arasında liderə çevrilib VİDEO

Bakı, 10 aprel, AZƏRTAC

Aprelin 6-da ölkəmizin 10 milyonuncu sakini dünyaya gəlib. Azərbaycan demoqrafik inkişaf baxımından nəinki keçmiş Sovet İttifaqı ölkələri, hətta Avropa dövlətləri arasında liderə çevrilib.

Bu fikirləri Ədliyyə Nazirliyinin Vətəndaşlıq Vəziyyəti Aktlarının Reyestr Xidmətinin rəisi Reyhanə Kərimova AZƏRTAC-a müsahibəsində bildirib. O qeyd edib ki, Prezident İlham Əliyev və birinci xanım Mehriban Əliyeva körpənin valideynlərini təbrik edib, onlara xeyir-dualarını veriblər. Dövlətimizin başçısı və xanımı uşaqlara, gənclərə daim diqqət və qayğı göstərirlər. On milyonuncu sakinin valideynləri Ədliyyə Nazirliyinin Nərimanov rayon bölməsinə müraciət edərək birinci xanım Mehriban Əliyevanın məhz uşaqlara, gənclərə göstərdiyi qayğının təzahürü olaraq körpənin adının Mehriban adı ilə rəsmiləşdirilməsini xahiş ediblər. Böyük məmnuniyyətlə körpənin doğumunu dövlət qeydiyyatına alıb, onun doğum haqqında şəhadətnaməsini valideynlərinə təqdim etdik. Biz də Ədliyyə Nazirliyi adından körpənin valideynlərini təbrik edir, onlara xoşbəxtlik arzulayırıq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.