ELM VƏ TƏHSİL


“Azərbaycan dendroflorası” kitabının IV cildi çapdan çıxıb

Bakı, 10 aprel, AZƏRTAC

Azərbaycan Milli Elmlər Akademiyasının (AMEA) Dendrologiya İnstitutunun direktoru, AMEA-nın müxbir üzvü Tofiq Məmmədovun “Azərbaycan dendroflorası” kitabının IV cildi çap olunub.

İnstitutdan AZƏRTAC-a bildirilib ki, “Azərbaycan dendroflorası” kitabının IV cildində yerli və xarici floraya mənsub 3 fəsilə, 1 yarımfəsilə, 29 cinsə aid 305 növ ağac-kol bitkisinin yayılma arealı, ekologiyası və istifadəsi haqqında məlumat verilib. Bu cilddə Azərbaycanın dendroflorasında təbii və mədəni şəraitdə yayılmış Ranunculaceae Juss., Rhamnaceae Juss. Rhamnaceae Juss. və Rosaceae Juss. fəsiləsinə aid cins və növlərin APG III-IV sisteminə əsasən taksonomiyası, təyinedici açarları, botaniki təsviri, ümumi yayılma arealı, ekoloji mühit amillərinə münasibəti və tətbiq sahələri göstərilib.

Kitabın bu cildi Azərbaycanın müxtəlif bölgələrinə təşkil edilmiş ekspedisiyalar zamanı bitkilərin təbii yayılma arealı müəyyənləşdirilərək, çəkilən şəkillər və toplanmış herbari materialları əsasında hazırlanıb. Mədəni floramızda istifadə olunan müxtəlif floristik zonalara mənsub introduksiya olunan bitkilər, onların taksonomik tərkibi də araşdırılmaqla nəşrə daxil edilib. Kitab botaniklər, ekoloqlar, dendroloqlar, ali və orta ixtisas məktəbinin müəllim və tələbələri, geniş oxucu kütləsi üçün nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.