ELM VƏ TƏHSİL


Azərbaycan dili (dövlət dili kimi) üzrə avqustun 12-də keçiriləcək imtahanda iştirak etmək üçün qeydiyyat elan olunub

Bakı, 29 iyul, AZƏRTAC

Ali məktəblərə və kolleclərə (11 illik) qəbul olmaq üçün sənəd verən, lakin Azərbaycan dili üzrə daha əvvəl keçirilmiş imtahanlardan qeyri-məqbul alan və ya iştirak etməyən abituriyentlər üçün avqustun 12-də keçiriləcək imtahana qeydiyyat elan olunub. Qeydiyyat avqustun 2-dək aparılacaq.

Dövlət İmtahan Mərkəzindən AZƏRTAC-a bildirilib ki, bu imtahanda iştirak etmək üçün ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə qəbul olmaq üçün sənəd verən, lakin mayın 20-də və ya iyunun 24-də keçirilən imtahanlarda iştirak edib qeyri-məqbul qiymət alan abituriyentlər, həmçinin hər hansı səbəbdən qeyd olunan tarixlərdə keçirilən imtahanlarda iştirak edə bilməyən abituriyentlər qeydiyyatdan keçə bilərlər.

Abituriyentlər qeydiyyatdan keçmək üçün tələb olunan məbləği (10 AZN) “Şəxsi kabinet”lərinin hesabına əlavə etdikdən (Hesaba məbləği əlavə etmək üçün ödəniş üsulları ilə epayment.dim.gov.az internet səhifəsində tanış olmaq mümkündür) sonra https://eservices.dim.gov.az/erizebak/azdili2/?frm=egov səhifəsinə daxil olub qeydiyyatdan keçməlidirlər.

Nəzərə alınmalıdır ki, abituriyentlər ali və ya orta ixtisas təhsili müəssisələrinə qəbul imtahanlarında neçə bal toplamaqlarından asılı olmayaraq, Azərbaycan dili (dövlət dili kimi) imtahanından məqbul qiymət aldıqları təqdirdə müsabiqəyə buraxılacaqlar. Bu imtahandan qeyri-məqbul qiymət alan və ya imtahanda iştirak etməyən şəxslər ali və ya orta ixtisas təhsili müəssisələrinin müsabiqəsinə buraxılmayacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.