ELM VƏ TƏHSİL


Azərbaycan dili və ingilis dili fənləri üzrə proqramlarda təkmilləşdirmə aparılıb

Bakı, 26 oktyabr, AZƏRTAC

Dövlət İmtahan Mərkəzində Azərbaycan dili və ingilis dili fənləri üzrə işçi qruplarının iclasları keçirilib.

Mərkəzdən AZƏRTAC-a bildirilib ki, iclasların gündəlik məsələsi hər iki fənn üzrə ümumi (9 illik) orta təhsil bazasında buraxılış imtahanları üçün proqramların müzakirəsi olub.

Müzakirələr zamanı respublikanın ümumi təhsil müəssisələrində qüvvədə olan dərsliklərə baxılıb və həmin dərsliklərin 2021-ci il nəşrləri ilə əvvəlki illərin nəşrləri müqayisə edilərək fərqlər müəyyən edilib. Proqramda bununla bağlı müvafiq təkmilləşdirmələr aparılıb.

İclaslarda iştirakçılar tərəfindən müzakirə edilən məsələlərlə bağlı fikir bildirilib və təkliflər verilib.

Noyabrın 1-də müzakirələr davam etdiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.