MƏDƏNİYYƏT


Azərbaycan əsgərinə həsr edilən mahnı Türkiyədə təqdim olunub

İstanbul, 24 oktyabr, AZƏRTAC

Türkiyənin tanınmış müğənni-bəstəkarı Sinan Akçıl Azərbaycan Ordusuna mahnı bəstələyib.

AZƏRTAC xəbər verir ki, sənətçi bu barədə rəsmi “Instagram” hesabında bildirib.

“Daima yaşa Azərbaycan” adlı mahnının sözləri və musiqisi Sinan Akçıla aiddir.

Bu barədə danışan bəstəkar deyib: “Bu mahnı cəbhədəki Azərbaycan əsgərlərinə həsr olunub. “Qarabağ Azərbaycandır” deyən hər kəsi mahnıya qulaq asmağa və fikrini bildirməyə çağırıram, gəlin gücümüzü göstərək. Bütün dünya səsimizi eşitsin. Allah izin versə, bu mahnını yaxın zamanda Qarabağda ifa edəcəm”.

Azərbaycanlı müğənni Səidə Quliyeva ilə duet şəklində ifa edilən mahnıya hazırlanmış klip sosial mediada təqdim edilib.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.