İDMAN


Azərbaycan idmançıları muay-tay üzrə Avropa kuboku turnirində 10 medal qazanıblar

Bakı, 16 dekabr, AZƏRTAC

Azərbaycan idmançıları Antalyada keçirilən muay-tay üzrə Avropa kuboku turnirində 10 medal qazanıblar.

AZƏRTAC xəbər verir ki, turnirdə İzzət Həsənov (36 kq), Səlahhəddin Qocazadə (38 kq), Əvəz Allahverdiyev (48 kq), Rəvan Abdullayev (51 kq), Murad Səfərəliyev (54 kq) və Məhəmmədəli Abdullayev (57 kq) bütün rəqiblərini məğlub edərək fəxri kürsünün ən yüksək pilləsinə qalxıblar.

Nihad Şoranov (36 kq) isə finalda uduzaraq gümüş medalla kifayətlənib. Arif Əliyev (38 kq), Emil Məmmədəliyev (40 kq) və Nemət Rəhmətullayev (81 kq) isə yarışda üçüncü olublar.

Qeyd edək ki, ölkəmizi bu yarışda 4 məşqçi və 16 idmançı təmsil edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.