İDMAN


Azərbaycan idmançılarının uşu üzrə dünya çempionatında rəqibləri müəyyənləşib

Bakı, 21 oktyabr, AZƏRTAC

Çinin Şanxay şəhərində keçirilən uşu üzrə XV dünya çempionatında Azərbaycan idmançılarının rəqibləri müəyyənləşib.

Azərbaycan Uşu Federasiyasından AZƏRTAC-a verilən məlumata görə, mundialda 48 kiloqram çəki dərəcəsində mübarizə aparan Orxan Hətəmov Şri-Lanka idmançısı Laksman Gunasekara Vickramage ilə üz-üzə gələcək. Elçin Eminov (56 kq) fransalı Bilal Talha, Ruslan Pirəliyev (65 kq) isə belaruslu Yauhen Sliaptsou ilə qarşılaşacaqlar.

Uşu üzrə yığma komandamız dünya çempionatında böyük məşqçi Baharətdin Səlimovun rəhbərliyi altında mübarizə aparır.

Qeyd edək ki, oktyabrın 23-də yekun vurulacaq dünya çempionatında 120-yə yaxın ölkənin idmançıları iştirak edirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.