İDMAN


Azərbaycan idmançısı Kamran Mirzəxanov şose velosipedi üzrə Avropa çempionatında iştirak edəcək

Bakı, 7 iyul, AZƏRTAC

İyulun 7-10-da Portuqaliyanın Anadia şəhərində şose velosipedi üzrə Avropa çempionatı keçiriləcək.

AZƏRTAC Azərbaycan Velosiped Federasiyasına istinadla xəbər verir ki, gənclər və U-23 yaş kateqoriyasında mübarizə aparan idmançılar arasında təşkil ediləcək yarışda Avropanın əksər ölkələrindən 200-dək velosipedçi iştirak edəcək.

Qitə çempionatında ölkəmizi gənclər yaş kateqoriyasında milli komandamızın üzvü Kamran Mirzəxanov təmsil edəcək.

İdmançılar iyulun 7-də keçiriləcək birinci mərhələdə fərdi ötüşmə növündə, iyulun 9-da baş tutacaq ikinci mərhələdə isə qrup ötüşməsi növündə mübarizə aparacaqlar.

Velosipedçilər fərdi ötüşmə növündə 22, qrup ötüşməsi növündə isə 125,9 kilometr (6 dairə) məsafə qət edəcəklər.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.