SİYASƏT


Azərbaycan ilə Birləşmiş Krallıq arasında çoxşaxəli əməkdaşlıq münasibətləri müzakirə olunub

London, 28 yanvar, AZƏRTAC

Azərbaycan Respublikasının Birləşmiş Krallıqdakı səfiri Elin Süleymanov Böyük Britaniya Parlamentində İcmalar Palatasının sədri Ser Lindsi Hoyl ilə görüşüb.

AZƏRTAC xəbər verir ki, görüş zamanı Azərbaycan ilə Birləşmiş Krallıq arasında çoxşaxəli əməkdaşlıq münasibətlərinin hazırkı vəziyyəti, parlamentlərarası təmasların intensivləşdirilməsi imkanları və geosiyasi məsələlər ətrafında fikir mübadiləsi aparılıb.

Lindsi Hoyl ölkəmizin Birləşmiş Krallıqla tərəfdaşlıq münasibətlərini, Azərbaycanla xüsusilə enerji sahəsində təsis edilmiş uğurlu əməkdaşlığı və Azərbaycanda mövcud olan çoxəsrlik tolerantlıq ənənələrini yüksək qiymətləndirib.

Görüşlə əlaqədar İcmalar Palatasının inzibati binasının qarşısında Azərbaycanın Dövlət Bayrağı dalğalandırılıb. Səfir Elin Süleymanov İcmalar Palatasının xatirə kitabına ürək sözlərini yazıb.

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.