CƏMİYYƏT


Azərbaycan ilə Bolqarıstan arasında vətəndaşların hüquqlarının təmini sahəsində qarşılıqlı məlumat mübadiləsi gücləndirilir

Bakı, 28 sentyabr, AZƏRTAC

Azərbaycan Respublikasının insan hüquqları üzrə müvəkkili (ombudsman) Səbinə Əliyevanın rəhbərlik etdiyi nümayəndə heyəti Bolqarıstanın Ayrı-seçkiliyə qarşı müdafiə üzrə Komissiyasının rəhbəri Ana Cumaliyevanın rəsmi dəvəti ilə Sofiya şəhərində işgüzar səfərdədir.

Ombudsman Aparatının mətbuat xidmətindən AZƏRTAC-a bildiriblər ki, səfərin məqsədi ayrı-seçkiliyə qarşı mübarizə ilə bağlı təcrübə mübadiləsi aparılması və iki qurum arasında əməkdaşlığın gücləndirilməsidir. Bu məqsədlə iki qurum arasında anlaşma memorandumu imzalanıb.

Memorandumda ombudsmanlar arasında iki ölkə vətəndaşlarının hüquqlarının təmini məqsədilə qarşılıqlı məlumat mübadiləsinin gücləndirilməsi, insan hüquqlarının müdafiəsi sahəsində elmi konfranslar, seminarlar və təlimlərin təşkili ilə bağlı məsələlər əks olunub.

Səfər çərçivəsində ombudsmanın görüşləri davam edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.