SİYASƏT


Azərbaycan ilə Braziliya arasında parlamentlərarası münasibətlərin genişləndirilməsi müzakirə olunub

Bakı, 20 iyun, AZƏRTAC

İyunun 19-da Azərbaycanın Braziliyadakı səfiri Elxan Poluxov Braziliya Milli Konqresinin Deputatlar Palatasında xarici əlaqələr komitəsinin sədri Nilson Pinto və ölkənin sabiq prezidenti, Senatın xarici əlaqələr və təhlükəsizlik məsələləri komitəsinin sədri Fernando Kolor ilə görüşüb.

Braziliyadakı səfirliyimizdən verilən məlumata görə, görüşdə tərəflər Azərbaycan ilə bu ölkə arasında parlamentlərarası əlaqələrin daha da genişləndirilməsinin perspektivlərini, parlament diplomatiyasının beynəlxalq münasibətlər sistemində artan rolunu, əhəmiyyətini və digər məsələləri müzakirə ediblər.

Həmçinin səfir Elxan Poluxov Bakının “Ekspo 2025” Ümumdünya Sərgisinə namizədliyinin Braziliya tərəfindən dəstəklənəcəyinə əminliyini bildirib və bu məsələnin Azərbaycan üçün əhəmiyyətini həmsöhbətlərinin diqqətinə çatdırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.