İQTİSADİYYAT


Azərbaycan internetin istifadə sıxlığına görə MDB ölkələri arasında birincidir

Bakı, 18 yanvar, AZƏRTAC

Azərbaycanda internetin inkişafına xüsusi diqqət yetirilir. İnformasiya-kommunikasiya texnologiyaları sahəsində əldə olunan uğurlar bunu bir daha təsdiq edir.

Bu barədə jurnalistlərə məlumat verən rabitə və yüksək texnologiyalar naziri Əli Abbasov bildirib ki, ölkəmizdə internetin qiyməti Avrasiya məkanında olan orta qiymətlərdən aşağıdır. İnternetdən istifadənin reytinqinə görə isə Beynəlxalq Telekommunikasiya İttifaqının cədvəlində respublika üzrə 38-ci yerdəyik. Bu, yüksək göstəricidir.

Ə.Abbasov internet tariflərinin ucuzlaşdırılması və keyfiyyətinin yüksəldilməsi istiqamətində mütəmadi tədbirlər görüldüyünü diqqətə çatdırıb. Qeyd edib ki, ölkədə internetin istifadə sıxlığı 73 faiz təşkil edib. Genişzolaqlı istifadəçilərin sıxlığı isə 55 faizi ötüb. Dünya İqtisadi Forumunun qlobal texnoloji hesabatında Azərbaycan internetin istifadə sıxlığına görə, yenə də MDB ölkələri arasında birincidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.