Azərbaycan kuboku uğrunda yarışın 2020/2021-ci il mövsümünün püşkü atılıb

Bakı, 24 noyabr, AZƏRTAC

Noyabrın 24-də AFFA-nın inzibati binasında futbol üzrə Azərbaycan kuboku uğrunda yarışın 2020/2021-ci il mövsümünün püşkü atılıb.

AZƏRTAC xəbər verir ki, 12 komandanın iştirakı ilə keçiriləcək kubok mövsümündə mübarizə səkkizdəbir final mərhələsindən başlayacaq. Dörddəbir final mərhələsindən etibarən oyunlarda ev-səfər prinsipi tətbiq olunacaq.

Dekabrın 24-də təşkil olunacaq səkkizədbir final mərhələsində püşkə əsasən “Səbail” – “Zaqatala”, “Turan Tovuz” – “Qəbələ”, “Sabah” – “Kəpəz” və “Qaradağ Lökbatan” – “Zirə” oyunları təşkil olunacaq.

2021-ci il fevralın 1-2-də və 6-7-də keçiriləcək növbəti mərhələnin qarşılaşmalarında “Sumqayıt” birinci,

“Qarabağ” ikinci, “Keşlə” üçüncü, “Neftçi” isə dördüncü cütün qalibi ilə üz-üzə gələcək.