İQTİSADİYYAT


Azərbaycan məhsulları Çindao sərgisində nümayiş olunacaq

Pekin, 13 iyun, AZƏRTAC

İyunun 15-18-də Çinin Çindao şəhərində Şanxay Əməkdaşlıq Təşkilatında (ŞƏT) təmsil olunan ölkələrin Çinə ixrac olunan məhsullarının sərgisi keçiriləcək. Çin İşgüzar Şurasının və Çindao Şəhər Xalq Hökumətinin birgə təşkilatçılığı ilə keçirilən sərginin məqsədi ŞƏT ölkələri arasında ticarət və iqtisadi əməkdaşlıq əlaqələrini təşviq etməkdir.

AZƏRTAC xəbər verir ki, sərgidə ŞƏT-ə üzv, müşahidəçi və qurumun dialoq üzrə tərəfdaşı olan ölkələr təmsil olunacaq. Ölkəmizin Çindəki səfirliyinin hazırladığı milli pavilyonda Azərbaycanda istehsal olunan məhsullar nümayiş olunacaq.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.