ELM VƏ TƏHSİL


Azərbaycan məktəbliləri Beynəlxalq Riyaziyyat Olimpiadasına qatılacaqlar

Bakı, 3 iyul, AZƏRTAC

İyulun 7-dən 14-dək Rumıniyanın Kluj şəhərində 59-cu Beynəlxalq Riyaziyyat Olimpiadası (İMO 2018) keçiriləcək.

Təhsil Nazirliyindən AZƏRTAC-a bildiriblər ki, ölkəmizi bu olimpiadada altı şagird təmsil edəcək.

Dünyanın 116 ölkəsindən 615 məktəblinin iştirak edəcəyi bu olimpiadada şagirdlərimiz bu günədək 8-i gümüş və 32-si bürünc olmaqla, ümumilikdə 40 medal qazanıb, 2017-ci ildə isə dörd bürünc medal əldə edərək 110 ölkə arasında komanda hesabında 42-ci yerdə qərarlaşıblar.

Azərbaycan məktəblilərinin Beynəlxalq Riyaziyyat Olimpiadasında ən yaxşı nəticəsi 2010-cu ildə 3 gümüş, 2 bürünc medal qazanması və ölkələr arasında 28-ci yerdə dayanması olub.

Beynəlxalq Riyaziyyat Olimpiadası ilk dəfə 1959-cu ildə Rumıniyada dörd ölkənin iştirakı ilə keçirilib. Azərbaycan məktəbliləri bu bilik yarışında 1992-ci ildən iştirak edirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.