İDMAN


Azərbaycan millisi paracüdo üzrə beynəlxalq Qran-Pri yarışlarında ilk medalını qazanıb VİDEO

Bakı, 13 may, AZƏRTAC

Azərbaycan millisi Bakıda keçirilən paracüdo üzrə beynəlxalq Qran-Pri yarışlarında ilk medalını qazanıb.

AZƏRTAC xəbər verir ki, turnirdə 60 kiloqram çəki dərəcəsində mübarizə aparan Vüqar Şirinli onaltıdabir finalda meksikalı Bryan Gerardo Aburto Beltranı məğlub edib. Səkkizdəbir finalda rusiyalı idmançı Zaur Cəbrayılova qalib gələn paracüdoçumuz növbəti mərhələdə özbəkistanlı Şerzod Namozovu məğlub edərək yarımfinala vəsiqə qazanıb. Yarımfinalda türkiyəli Receb Çiftci ilə qarşılaşan V.Şirinli rəqibini məğlub edərək finala vəsiqə qazanıb. Qızıl medal uğrunda görüşdə rumıniyalı Florin Aleksandru Boloqu məğlub edən cüdoçumuz beynəlxalq turnirin qalibi olub və komandamıza ilk medalı qazandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.