Azərbaycan nümayəndə heyəti Beynəlxalq Ağır Atletika Federasiyasının hesabat-seçki konfransında iştirak edib
AzerTAg.az
Bakı, 28 iyun, AZƏRTAC
Albaniyanın paytaxtı Tiranada Beynəlxalq Ağır Atletika Federasiyasının (IWF) hesabat-seçki konfransı keçirilib. Tədbirdə Azərbaycan Ağır Atletika Federasiyasının (AAAF) baş katib Rizvan Rəsulov və onun köməkçisi Kamal Axundovdan ibarət nümayəndə heyəti də iştirak edib.
AZƏRTAC AAAF-ın mətbuat xidmətinə istinadla xəbər verir ki, konfransda IWF-in prezident postuna seçkilər keçirilib. Səsvermə nəticəsində iraqlı Məhəmməd Calud qurumun prezidenti seçilib. Bununla yanaşı, federasiyanın vitse-prezidentləri, İdarə Heyətinin üzvləri və digər postlar üçün seçkilər təşkil olunub, yeni vəzifə sahibləri müəyyən edilib.
Azərbaycan nümayəndə heyəti konfransda iştirakla yanaşı, bir sıra görüşlər keçirib, müzakirələr aparıb.
Xəbərin mətnində orfoqrafik səhv var
