MƏDƏNİYYƏT


Azərbaycan nümayəndə heyəti Qırğızıstanda keçirilən mədəni tədbirdə iştirak edib

Bişkek, 21 aprel, AZƏRTAC

“Oş Türk dünyasının mədəniyyət paytaxtı” tədbirləri çərçivəsində Sulayman-Too dağının ətrafındakı Alimbek Datka etnoqrafik kompleksində “Suleyman Too dağında türkdilli xalqların mədəniyyəti” adlı böyük mədəni tədbir keçirilib.

AZƏRTAC xəbər verir ki, tədbirdə TÜRKSOY-un Baş katibi Düsen Kaseinov, Oş şəhərinin meri Taalaybek Sarıbaşoov, Qırğızıstanın mədəniyyət, informasiya və turizm naziri Azamat Jamankulov, Azərbaycan, Qazaxıstan, Türkiyə, Özbəkistan, Türkmənistan, Makedoniya, Serbiya və digər dövlətlərin nümayəndə heyətləri və incəsənət xadimləri iştirak ediblər.

Ölkəmizi Azərbaycanın Mədəniyyət nazirinin müavini Rafiq Bayramovun rəhbərliyi ilə nümayəndə heyəti təmsil edib.

Tədbirdə türkdilli dövlətlərin milli geyimlərinin nümayişi, fotosərgi, rəsm çəkmək üzrə ustad dərsləri, suvenirlərin satışı təşkil olunub.

Həmçinin teatrlaşdırılmış səhnələr, iştirakçı ölkələrin milli rəqsləri və musiqiləri ifa edilib.

Qulu Kəngərli

AZƏRTAC-ın xüsusi müxbiri

Bişkek

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.