İQTİSADİYYAT


Azərbaycan ötən il Gürcüstanın əsas neft bitumu tədarükçüsü olub

Tbilisi, 22 yanvar, AZƏRTAC

Gürcüstan 2020-ci ildə 128,7 min ton neft bitumu idxal edib. Bu da 2019-cu illə müqayisədə 41,3 min ton və ya 24,3 faiz azdır.

AZƏRTAC xəbər verir ki, bu barədə Gürcüstanın Neft Məhsulları İdxalçıları Birliyindən məlumat verilib.

Bildirilib ki, ötən il Gürcüstan Azərbaycandan 82,1 min ton neft bitumu idxal edib. Bu da ümumi idxalın 63,8 faizini təşkil edib. Azərbaycan bu göstərici ilə Gürcüstanın əsas neft bitumu tədarükçüsü olub.

Keçən il Gürcüstan İraqdan 26,6 min ton, İrandan 9,1 min ton, Rusiyadan 7,2 min ton, Türkiyədən 2,4 min ton neft bitumu idxal edib. Qalan həcm isə digər ölkələrdən alınıb.

Xətayi Əzizov

AZƏRTAC-ın xüsusi müxbiri

Tbilisi

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.