MƏDƏNİYYƏT


Azərbaycan rəqqasları dünyanın ən çox izlənən TV şousunda çıxış ediblər

Pekin, 24 yanvar, AZƏRTAC

Azərbaycan rəqqasları Çində ay təqvimi ilə qeyd olunan yeni ilə - Yaz bayramına həsr olunan televiziya qala-konsertində çıxış ediblər.

AZƏRTAC xəbər verir ki, Azərbaycan Dövlət Rəqs Ansamblının 21 nəfərlik heyəti tamaşaçı sayına görə dünyada ən böyük televiziya əyləncə şousu olan qala-konsertdə “Qaytağı” rəqsini ifa ediblər.

Qeyd edək ki, Çin Mərkəzi Televiziyası (CCTV) 1983-cü ildən bəri hər il yaz festivalının bayram axşamı ölkənin tanınmış incəsənət ustalarının və xaricdən dəvət olunan qonaqların iştirakı ilə qala- konsert proqramını təqdim edir. Ötənilki qala-konsertini televiziya və internet vasitəsilə 163 ölkədə 1 milyard 17 milyondan çox tamaşaçı izləyib.

CCTV-nin qala-konserti tamaşaçı sayına görə Ginnesin Rekordlar Kitabına düşüb.

Şərq ölkələrinin ay təqviminə əsasən, bu il yanvarın 25-i yeni ilin ilk günüdür. Bu bayram Çində həm də Yaz festivalı adlanır.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.