CƏMİYYƏT


Azərbaycan sabitlik və davamlı inkişaf diyarıdır

Bakı, 10 noyabr, AZƏRTAC

Pirallahı qəsəbəsində Dövlət Bayrağı Günü münasibətilə tədbir keçirilib. Tədbirdə rayon icra hakimiyyətinin başçısı Vasif İmanov, icra hakimiyyətinin əməkdaşları, rayon ərazisində fəaliyyət göstərən idarə, müəssisə, təşkilatların kollektivləri və ictimaiyyət nümayəndələri iştirak ediblər.

Rayon icra hakimiyyətindən AZƏRTAC-a bildiriblər ki, tədbir Pirallahıdakı “Yaşıl Park”ın ərazisində ağacəkmə aksiyası ilə başlayıb, 300-dən çox müxtəlif növ ağac və kol əkilib.

168 nömrəli tam orta məktəbdə keçirilən tədbirdə Azərbaycanın dövlət himni səsləndirildikdən sonra bayrağımızın tarixi haqqında videoçarx nümayiş olunub.

Rayon icra hakimiyyətinin başçısı Vasif İmanov Azərbaycan Respublikasının üçrəngli dövlət bayrağının ilk dəfə 1918-ci il noyabrın 9-da Azərbaycan Xalq Cümhuriyyəti Hökuməti tərəfindən qəbul edildiyini, ikinci dəfə isə xalqımızın ümummilli lideri Heydər Əliyevin təşəbbüsü ilə 1990-cı il noyabrın 17-də Naxçıvan Muxtar Respublikasının dövlət bayrağı kimi təsdiq olunduğunu deyib. V.İmanov 1991-ci il fevralın 5-də Azərbaycan Respublikasının Ali Soveti “Azərbaycan Respublikasının Dövlət bayrağı haqqında” Qanun qəbul edərək həmin bayrağı dövlət bayrağı elan etdiyini və Prezident İlham Əliyevin 2009-cu il noyabrın 18-də 9 noyabr tarixinin Dövlət Bayrağı Günü kimi qeyd olunması ilə bağlı Sərəncam imzaladığını söyləyib. Ölkəmizin iqtisadi və siyasi qüdrətindən söz açan V.İmanov vurğulayıb ki, ümummilli lider Heydər Əliyevin müdrik siyasətini uğurla davam etdirən Prezident İlham Əliyevin rəhbərliyi ilə dövlətimizin müstəqilliyi daha da möhkəmlənib, Azərbaycan sabitlik və davamlı inkişaf diyarına çevrilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.