İQTİSADİYYAT


Azərbaycan sahibkarları Qaraçay-Çərkəz Respublikasının investisiya layihələri ilə tanış olacaqlar

Bakı, 4 fevral, AZƏRTAC

Azərbaycanın işgüzar dairələrinin nümayəndələri Rusiya Federasiyasının Qaraçay-Çərkəz Respublikasındakı investisiya layihələri ilə tanış olacaqlar.

AZƏRTAC xəbər verir ki, bu barədə Qaraçay-Çərkəz Respublikasının “Arxız-24” televiziya kanalı məlumat yayıb.

Bildirilir ki, Azərbaycanın biznes dairələrinin nümayəndələrinin daxil olacağı nümayəndə heyətinin səfərinin məqsədi Qaraçay-Çərkəz Respublikasının investisiya layihələri və iqtisadi potensialı ilə tanış olmaqdır.

Qaraçay-Çərkəz Respublikasının başçısı Raşid Temrezovun sözlərinə görə, Bakıya səfəri çərçivəsində sənaye, turizm, tərəvəzçilik, bağçılıqla bağlı məsələlər müzakirə olunub: “Düşünürəm ki, bizim böyük potensialımız var, biz onu artırmaq üçün əlimizdən gələni etməliyik”.

Xatırladaq ki, Qaraçay-Çərkəz Respublikasının başçısı R.Temrezovun rəhbərlik etdiyi nümayəndə heyəti fevralın 1-də Azərbaycanda səfərdə olub, müxtəlif görüşlər keçirilib. Həmçinin nümayəndə heyətinin üzvləri Bakıdakı bir neçə istehsal müəssisəsi ilə tanış olublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.