İQTİSADİYYAT
Azərbaycan sahibkarları Tümen vilayətinə işgüzar səfərə dəvət olunur
Bakı, 30 avqust, AZƏRTAC
Rusiya Federasiyasının Tümen vilayətinin İnvestisiya siyasəti və sahibkarlığa dövlət dəstəyi departamenti Azərbaycan sahibkarlarını sentyabrda Tümen vilayətinə işgüzar səfərə dəvət edir.
Kiçik və Orta Biznesin İnkişafı Agentliyindən AZƏRTAC-a bildirilib ki, səfər çərçivəsində Tümen vilayətində fəaliyyət göstərən müəssisələr, o cümlədən onların sənaye və ixrac potensialı ilə tanışlıq, həmçinin əməkdaşlığın qurulması məqsədilə ikitərəfli görüşlərin keçirilməsi nəzərdə tutulur.
Sahibkarlıq subyektləri ətraflı məlumat üçün Kiçik və Orta Biznesin İnkişafı Agentliyinə (Firuzə Qardaşxanova, telefon: (+994 12) 404-04-01, e-mail: [email protected]) və Tümen vilayətinin İnvestisiya siyasəti və sahibkarlığa dövlət dəstəyi departamentinə (Demidenko Yana Yuryevna, telefon: +7 (3452) 42-66-96, e-mail: [email protected]) müraciət edə bilərlər.