İDMAN


Azərbaycan şahmatçıları Daşkənddə keçirilən Aqzamov memorialı yarışında mübarizəni davam etdirirlər

Bakı, 6 may, AZƏRTAC

Azərbaycan şahmatçıları Daşkənddə keçirilən Aqzamov memorialı yarışında mübarizəni davam etdirirlər.

AZƏRTAC xəbər verir ki, 15-ci dəfə keçirilən yarışın güclü A turnirində mübarizə aparan təmsilçilərimizdən ən yaxşı nəticəni Məhəmməd Muradlı və Vüqar Əsədli göstəriblər. Şahmatçılarımız üç turda 2 xal toplayıblar. Vüqar Manafov 1,5 xal, Şahin Vəliyev və Misrətdin İsgəndərov isə hərəyə bir xal qazanıblar.

On turdan ibarət olan yarış İsveçrə sistemi üzrə keçirilir.

Mayın 11-dək davam edəcək turnirdə 66 şahmatçı iştirak edir ki, onlardan da 16-sı qrosmeysterlərdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.