İQTİSADİYYAT


Azərbaycan şərabları Belçika, Çin və Qazaxıstana ixrac ediləcək

Bakı, 6 fevral, AZƏRTAC

Azərbaycan şərabları Belçika, Çin və Qazaxıstana ixrac olunacaq.

Azərbaycan Sənaye Korporasiyasından AZƏRTAC-a bildirilib ki, Azərbaycanın şərab istehsalçısı “ASK Şəki Şərab” “Bouquet Sheki” və “Askona” adlı brendlərini təqdim edəcək. “Bouquet Sheki” və “Askona” brendləri adı altında Azərbaycanda yığılmış “Rkatsiteli”, “Saperavi”, “Mədrəsə”, “Muskat”, “Şardone” və “Merlo” kimi üzüm sortlarından şərablar istehsal olunacaq. Yüksək keyfiyyətli bu şərablar tamamilə Azərbaycan istehsallıdır və Avropa texnologiyalarına uyğun hazırlanıb. Yaxın günlərdə yeni şərablar ölkənin bütün iri ticarət obyektlərində təqdim ediləcək.

Bununla yanaşı, zavod Belçika, Çin və Qazaxıstana şərab ixracını təşkil etməyi planlaşdırır. İstehsal olunan şərablardan nümunələr Belçika, Çin, Qazaxıstana göndərilib və məhsullar yüksək qiymət alıb. Bu ölkələrdən olan şirkətlərlə müqavilələrin bağlaması da nəzərdə tutulur.

Qeyd edək ki, 2018-ci ildə “ASK Şəki Şərab” zavodu 724,9 ton üzüm qəbul edib və 500 min litr şərab məhsulu hazırlayıb. 2011-ci ildə yaradılan “ASK Şəki Şərab” şirkəti Azərbaycan Sənaye Korporasiyasının törəmə müəssisəsidir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.