İDMAN


Azərbaycan taekvondoçuları Avropa birinciliyində yeddi medal qazanıblar

Bakı, 9 dekabr, AZƏRTAC 

Almaniyada uşaq taekvondoçular arasında keçirilən Avropa birinciliyinə yekun vurulub.

AZƏRTAC xəbər verir ki, yarışların sonuncu günündə daha iki taekvondoçumuz mükafatçılar sırasında yer alıb. Yarışa qatılan Elmira Bayrak (22 kq, Sumqayıt, “Təhsil”) və Süleyman Həsənov (24 kq, Gədəbəy “Gənclər İdman Klubu”) bürünc medal qazanıblar.

Turnirin birinci günündə “Ümid” taekvondo klubunun yetirməsi Mehdi Budaqlı (27 kq) qızıl medala, Aydın Süleymanov (32 kq, Sumqayıt “Təhsil”), Mürşüd Qasımov (39 kq, “Əmin”), Tamerlan Yaqubov (29 kq, FHN) gümüş, Fərdi Quşxani (35 kq, “Ümid”) isə bürünc medallara sahib olublar.

Taekvondoçularımız məşqçi-müəllimlərdən İlkin Şahbazov, Rəşad Məmmədov, Beyrək Bağırov və Ziya Qasımovun rəhbərliyi ilə mübarizə aparıblar.

Beləliklə, yarışda 10 idmançı ilə mübarizə aparan idmançılarımız 7 medala sahib olublar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.