İDMAN


Azərbaycan taekvondoçuları İsveçdə beynəlxalq yarışda 6 qızıl, 2 gümüş və 1 bürünc medal qazanıblar

Bakı, 23 fevral, AZƏRTAC

İsveç Krallığında taekvondo üzrə "Helsinqborq Open" beynəlxalq turniri keçirilib.

AZƏRTAC xəbər verir ki, Azərbaycanın böyüklərdən ibarət taekvondo üzrə milli komandasının iştirak etdiyi Helsinqborq şəhərindəki yarış idmançılarımız üçün uğurlu alınıb. Yığma komandanın üzvləri 6 qızıl, 2 gümüş və 1 bürünc olmaqla, ümumilikdə 9 medala sahib olublar.

Patimat Abakarova (53 kq), Bəhruz Quluzadə (54 kq), Qaşım Maqomedov (58 kq), Cavad Ağayev (68 kq), Ayxan Tağızadə (74 kq) və Radik İsayev (87 kq yuxarı) yarışda fəxri kürsünün ən yüksək pilləsinə qalxıblar.

Fəridə Əzizova (67 kq) və Taleh Süleymanov (87 kq) həlledici döyüşdə məğlub olaraq gümüş, Ramin Əzizov (87 kq) isə bürünc medala layiq görülüblər.

Qeyd edək ki, millimiz yarışlara Azərbaycan Taekvondo Federasiyasının vitse-prezidenti Niyaməddin Paşayev, eləcə də baş məşqçilər Reza Mehmandoust və Elnur Amanovun rəhbərliyi ilə qatılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.