CƏMİYYƏT


Azərbaycan və ABŞ seysmoloqlarının birgə layihəsi müzakirə edilib

Bakı, 8 aprel, AZƏRTAC 

ABŞ-ın Missuri Universitetinin professoru Erik Sandvol Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin (RSXM) baş direktoru, AMEA-nın müxbir üzvü, professor Qurban Yetirmişli ilə görüşüb.

Mərkəzin informasiya şöbəsindən AZƏRTAC-a bildiriblər ki, görüşdə Azərbaycan və Amerikalı seysmoloqların birgə həyata keçirdiyi “Qafqaz kəsilişi” layihəsi ilə bağlı müzakirələr aparılıb. Layihə çərçivəsində Bakıya səfər etdiyini bildirən E.Sandvol 3 rayonda - Neftçala, Hacıqabul, Göyçayda quraşdırılmış stansiyalarda məlumatların toplandığını deyib. İsmayıllı və Quba rayonlarına da səfər edəcəyini bildirən qonaq aprelin 17-nə qədər məlumatların toplanmasının davam etdiriləcəyini bildirib.

ABŞ və Azərbaycan seysmoloqlarının birgə əməkdaşlığının müsbət töhfə verdiyini deyən Q.Yetirmişli aparılan tədqiqatların, Qafqazda seysmik işlərin nəticələrinin ümumilikdə seysmologiya elmi üçün əhəmiyyətli olacağını qeyd edib.

Görüşdə, həmçinin qarşılıqlı ikitərəfli əməkdaşlıq məsələləri müzakirə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.