CƏMİYYƏT


Azərbaycan və Belarusun müəssisələri arasında xəstəliklərin monitorinqi ilə əlaqədar anlaşma memorandumu imzalanıb

Bakı, 3 iyun, AZƏRTAC

Azərbaycan Qida Təhlükəsizliyi İnstitutu ilə Belarusun S.N.Vişelyeski adına Eksperimental Baytarlıq İnstitutu Respublika Elmi-Tədqiqat Unitar Müəssisəsi arasında əməkdaşlıq haqqında anlaşma memorandumu imzalanıb.

Qida Təhlükəsizliyi Agentliyinin İnformasiya təminatı və innovativ həllər şöbəsindən AZƏRTAC-a verilən məlumata görə, Minskdə keçirilən "Belagro-2021" sərgisi çərçivəsində imzalanan memorandumda bakterioloji, molekulyar-genetik, parazitoloji, biokimyəvi, toksikoloji, seroloji müayinələrin təkmilləşdirilməsi, baytarlıq preparatlarının, yem və yem əlavələrinin, eləcə də heyvan mənşəli məhsulların sınaqlarının təkmilləşdirilməsi sahəsində birgə əməkdaşlığın genişləndirilməsi öz əksini tapıb.

Anlaşma memorandumuna əsasən iki ölkə arasında xüsusi təhlükəli xəstəliklərin monitorinqi, proqnozlaşdırılması, profilaktikası və digər sahələrdə uzunmüddətli əməkdaşlıq həyata keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.