İQTİSADİYYAT


Azərbaycan və Çili arasında investisiya sahəsində əməkdaşlıq müzakirə olunub

Bakı, 12 oktyabr, AZƏRTAC

Azərbaycanda İxracın və İnvestisiyaların Təşviqi Fondunda (AZPROMO) Çili Respublikasının Azərbaycanda müvəqqəti işlər vəkili Fidel Koloma Qrimberq ilə görüş keçirilib.

AZPROMO-dan AZƏRTAC-a bildirilib ki, qurumun rəhbəri vəzifəsini icra edən Yusif Abdullayev təmsil etdiyi fondun fəaliyyətindən danışıb, ölkəmizdə qeyri-neft sektorunun inkişafı, biznes mühitinin davamlı olaraq yaxşılaşdırılması, ixracın genişləndirilməsi, “Made in Azerbaijan” brendinin və xarici investisiyaların təşviqi üçün görülən işlər, həyata keçirilən tədbirlər barədə məlumat verib.

Çilinin Azərbaycandakı müvəqqəti işlər vəkili Fidel Koloma Qrimberq iqtisadi tərəfdaşlığın genişdirilməsi istiqamətləri barədə fikirlərini bölüşüb, bu sahədə işgüzar görüşlərin önəmini vurğulayıb.

Görüşdə iki ölkə arasında investisiya sahəsində əməkdaşlığın inkişafı barədə fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.