İQTİSADİYYAT


Azərbaycan və Gürcüstan dəmir yolları “Avropa-Qafqaz-Asiya Beynəlxalq Nəqliyyat Dəhlizi”nin əsas hissəsini təşkil edir

Tbilisi, 27 noyabr, AZƏRTAC

Gürcüstan Dəmir Yolları” Səhmdar Cəmiyyəti “Azərbaycan Dəmir Yolları” Qapalı Səhmdar Cəmiyyəti ilə birlikdə “Avropa-Qafqaz-Asiya Beynəlxalq Nəqliyyat Dəhlizi”nin əsas hissəsini təşkil edir.

AZƏRTAC xəbər verir ki, bu fikirlər “Fitch” beynəlxalq reytinq agentliyinin məlumatında yer alıb.

Gürcüstanın iqtisadiyyat və davamlı inkişaf nazirinin müavini Akaki Saqiraşvili agentliyin məlumatını yüksək qiymətləndirib və ölkəsinin mövqeyini şərh edib.

O deyib: “Gürcüstan tranzit ölkədir və hökumət dəmir yolu, avtomobil magistralları, dəniz limanı və hava nəqliyyatının inkişafına böyük önəm verir. Hökumət, həmçinin “Gürcüstan Dəmir Yolları”nın müasirləşdirilməsinə və Bakı-Tbilisi-Qars layihəsinin inkişafına xüsusi əhəmiyyət verir.

Onun sözlərinə görə, Gürcüstan üçün bu funksiyanın gücləndirilməsi və dəmir yolu infrastrukturunun müasirləşdirilməsi strateji əhəmiyyət kəsb edir.

“Bununla yanaşı Anaklia dəniz limanı, Şərq-Qərb avtomagistralı, loqistika mərkəzlərinin yaradılması, Poti və Batumi limanlarının genişləndirilməsi və digər layihələr də Gürcüstanın nəqliyyat-loqistika habına çevrilməsinə imkan verəcək”, – deyə Saqiraşvili vurğulayıb.

Nazir müavini deyib ki, agentlik “Gürcüstan Dəmir Yolları” SC-nin reytinqini “B+” səviyyəsində saxlayaraq proqnoz gözləntilərini “Stabil”dən “Pozitiv”ə doğru yaxşılaşdırıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.