İQTİSADİYYAT
Azərbaycan və İran gömrükçüləri arasında bir sıra məsələlər müzakirə edilib
Bakı, 17 dekabr, AZƏRTAC
Cənub Ərazi Baş Gömrük İdarəsinin Biləsuvar gömrük postunda Azərbaycan və İran gömrük xidmətlərinin nümayəndələri arasında görüş keçirilib.
Dövlət Gömrük Komitəsinin mətbuat və ictimaiyyətlə əlaqələr idarəsindən AZƏRTAC-a bildirilib ki, Cənub Ərazi Baş Gömrük İdarəsi Biləsuvar gömrük postunun rəisi Ceyhun İbrahimovun, İran İslam Respublikası Biləsuvar gömrük-keçid məntəqəsinin rəisi Ramin Zəhirinin rəhbərliyi ilə nümayəndə heyətlərinin iştirak etdiyi görüşdə iki ölkə arasında iqtisadi münasibətlərin, ticarət dövriyyəsinin artmasına paralel olaraq beynəlxalq ticarətin asan və sürətli şəkildə həyata keçirilməsi, eləcə də insanların və nəqliyyat vasitələrinin gömrük sərhədindən təhlükəsiz və maneəsiz keçidinin təmin edilməsi, qarşılıqlı məlumat mübadiləsinin gücləndirilməsinə dair məsələlər müzakirə olunub.