İQTİSADİYYAT


Azərbaycan və İran müştərək müəssisələr yaradacaq

Bakı, 15 mart, AZƏRTAC

Azərbaycan və İran arasında müştərək müəssisələrin yaradılmasına dair razılıqlar əldə olunub.

AZƏRTAC xəbər verir ki, bu barədə İran İslam Respublikasının iqtisadiyyat və maliyyə işləri üzrə naziri Fərhad Dejpəsənd deyib.

"Hazırda müştərək layihələr icra olunmaqdadır. Bu layihələrin bəziləri maneələrlə üzləşsə də, maneələrin aradan qaldırılması üçün lazımi qərarlar verilib və bununla da bu layihələr öz icrasını davam etdirəcək", - deyə nazir diqqətə çatdırıb.

Nazir, həmçinin Azərbaycan-İran Hökumətlərarası Komissiyasının iclasında müzakirə olunan məsələlərin sırasında dəmir yolunun tikintisinin, enerji sahəsində "Xudafərin-Qız Qalası" hidroqovşağın təkmilləşdirilməsinin olduğunu və bunlarla bağlı müəyyən qərarların qəbul edildiyini vurğulayıb.

Fərhad Dejpəsənd deyib: "Ümidvarıq ki, bugünkü iclasın protokolunun maddələrini icra etməklə, ikitərəfli əlaqələrimizi daha da genişləndirəcəyik. Biz bu gün kənd təsərrüfatı, torpaqların müştərək şəkildə becərilməsi, həmçinin sənaye sahəsində razılığa gəldik, bank və sığorta sahəsində əlaqələrin genişləndirilməsi üçün bəzi qərarlar qəbul etdik".

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.