SİYASƏT


Azərbaycan və Türkiyə liderlərinin Şuşa səfəri ərəb KİV-lərində geniş işıqlandırılıb

Qahirə, 16 iyun, AZƏRTAC

Azərbaycan və Türkiyə prezidentləri İlham Əliyev və Rəcəb Tayyib Ərdoğanın işğaldan azad olunmuş qədim Şuşa şəhərində keçirdikləri görüş və burada Şuşa Bəyannaməsinin imzalanması ərəb KİV-lərində geniş işıqlandırılıb.

AZƏRTAC xəbər verir ki, Yaxın Şərq Xəbər Agentliyi (MENA), “Alarabia” və “Aljazeera” televiziya kanalları, “Əl Mısr Əl Yom” qəzeti və digər KİV-ləri iki qardaş ölkənin dövlət başçılarının təkbətək görüşü, Azərbaycanın tanınmış şəxsiyyətlərinin heykəllərini ziyarət etmələri, mühüm Şuşa Bəyannaməsini imzalamaları və mətbuata birgə bəyanatları haqqında məlumatlar yayıblar.

Reportaj və xəbərlərdə vurğulanıb ki, prezidentlər İlham Əliyev və Rəcəb Tayyib Ərdoğan, həmçinin birinci xanımlar Mehriban Əliyeva və Əminə Ərdoğan Şuşada “Xan qızı” bulağında olublar, Heydər Əliyev Fondunun təşkil etdiyi “Musiqi irsi və Qarabağ atları Cıdır düzündə” adlı kompozisiyanın təqdimatında iştirak ediblər.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.