SİYASƏT


Azərbaycan və Türkiyən prezidentlərinin təklif etdiyi “3+3” formatı bütün qonşularla əməkdaşlığa yönəlib

Tbilisi, 18 yanvar, AZƏRTAC

Azərbaycan işğal olunmuş torpaqlarını azad edib və regional əməkdaşlığa hazırdır. Təklif etdiyimiz “3+3” formatı da məhz region ölkələri və bütün qonşularla əməkdaşlığa yönəlib. Biz Gürcüstanın da bu formatda iştirakını arzulayırıq.

Bu sözləri AZƏRTAC-a müsahibəsində Azərbaycanın Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev söyləyib.

F.Şəfiyev deyib ki, Gürcüstan “3+3” formatına dəvət olunub, amma rəsmi Tbilisi hələlik bu təşəbbüsə qoşulmayıb.

“Bu gün Azərbaycan, Gürcüstan və Türkiyə həm üçtərəfli, həm də ikitərəfli formatlarda uğurlu əməkdaşlıq edirlər. Bu da müsbət nəticələrini verməkdədir. Yeni formatda da qapılar açıqdır və Gürcüstan nə zaman münasib bilsə, formata qoşula bilər. Bizim Gürcüstanla birbaşa və Türkiyə ilə birgə üçtərəfli formatda əməkdaşlığımız davam edəcək”, - deyə o bildirib.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.