CƏMİYYƏT


Azərbaycan və Ukraynanın ali təhsil ocaqları arasında davamlı olaraq tələbə-müəllim mübadiləsi aparılır

Kiyev, 11 fevral, AZƏRTAC

Təhsil Azərbaycan və Ukrayna arasında körpüdür. İki ölkənin ali təhsil ocaqları birgə layihələr gerçəkləşdirməlidir.

AZƏRTAC xəbər verir ki, bu fikri Ukraynanın Beynəlxalq Münasibətlər İnstitutunun direktoru, siyasi elmlər doktoru Valeriy Kopeyka ilə görüşündə Azərbaycanın Ukraynadakı səfiri Azər Xudiyev söyləyib.

Səfir vurğulayıb ki, Azərbaycan Prezidenti İlham Əliyevin təhsil və elmlə bağlı verdiyi qərarlar ölkəmizdə insan kapitalının artmasına səbəb olub. Bu istiqamətdə dövlət siyasəti uğurla davam etdirilir.

Azərbaycanla təhsil sahəsində əməkdaşlığa açıq olduğunu qeyd edən V.Kopeyka rəhbərlik etdiyi institutda təhsil alan azərbaycanlı tələbələrin savadı və ictimai fəallığı ilə seçildiyini vurğulayıb. Onun sözlərinə görə, Azərbaycan və Ukraynanın təhsil müəssisələri arasında tələbə, müəllim, təcrübə mübadiləsi davamlı olaraq aparılır.

Görüşdə səfirlik və institutun birgə beynəlxalq konfransların keçirilməsinin vacibliyi qeyd edilib.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.