İDMAN


Azərbaycan və Ukraynanın qadın şahmatçıları arasında onlayn turnir keçiriləcək

Bakı, 10 iyul, AZƏRTAC

Azərbaycan və Ukraynanın qadın şahmatçıları arasında onlayn turnir keçiriləcək. Yarışda hər komandanın tərkibində 10 şahmatçı mübarizə aparacaq.

Azərbaycan Şahmat Federasiyasından AZƏRTAC-a verilən məlumata görə, ölkəmizi turnirdə Günay Məmmədzadə, Gülnar Məmmədova, Xanım Balacayeva, Türkan Məmmədyarova, Ülviyyə Fətəliyeva, Nərgiz Umudova, Nərmin Xələfova, Zeynəb Məmmədyarova, Xəyalə Abdulla və Gövhər Beydullayeva təmsil edəcək.

İyulun 21-də start götürəcək və 3 gün davam edəcək yarış 20 iyul - Beynəlxalq Şahmat Gününə həsr ediləcək.

Ümumilikdə, 20 turdan ibarət olacaq turnir Dövlət Neft Şirkəti - SOCAR, eləcə də Azərbaycan və Ukrayna Şahmat Federasiyalarının təşkilatçılığı ilə baş tutacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.