İDMAN


Azərbaycan velosipedçiləri Türkiyədəki yarışda Olimpiadaya lisenziya üçün 8 xal qazanıblar

Bakı, 21 sentyabr, AZƏRTAC 

Şose velosipedi üzrə Azərbaycanın elit yığma komandasının üzvü, ölkə çempionu Elçin Əsədov Bəhreynin “VIB Sports” kontinental komandası ilə müqavilə imzalayıb. Yeni klubunda çempion köynəyi ilə çıxış edən velosipedçimiz “VIB Sports”un heyətində debüt edib.

Azərbaycan Velosiped İdmanı Federasiyasından AZƏRTAC-a bildiriblər ki, Türkiyədə təşkil edilən birgünlük “Grand Prix Erciyes” turunda E.Əsədov komandasının heyətində ən yaxşı nəticə göstərib. O, 142 kilometrlik məsafəni səkkizinci pillədə başa vurmaqla həm də ölkəmizin aktivinə “Tokio 2020” Yay Olimpiya Oyunlarına 3 lisenziya xalı yazdırıb.

Qeyd edək ki, “VIB Sports” klubu yarışda iştirak edən komandalar arasında vaxt göstəricisinə görə birinci yeri tutub.

“Grand Prix Erciyes” turunda heyəti Samir Cəbrayılov, Musa Mikayılzadə, Mahmud Məmmədov, Xankişi İsgəndərov və Mikayıl Səfərlidən ibarət Azərbaycan yığması da iştirak edib. Uğurlu komanda işinin nəticəsi olaraq finiş xəttini yeddinci keçən S.Cəbrayılov ölkəmizin aktivinə daha 5 lisenziya xalı yazdırıb.

Beləliklə, “Grand Prix Erciyes” yarışı millimiz üçün Tokio Olimpiadasına qazanılan 8 xalla əlamətdar olub. Sentyabrın 21-22-də velosipedçilərimiz qardaş ölkədə “Tokio 2020” Yay Olimpiya Oyunlarına lisenziya xalları verən daha bir yarışda - 2.2 kateqoriyalı Kayseri turunda da çıxış edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.