SİYASƏT


Azərbaycan xalqının Qələbə sevinci ərəb KİV-lərində

Qahirə, 11 noyabr, AZƏRTAC

Azərbaycan xalqının Qələbə sevinci, Prezident, Müzəffər Ali Baş Komandan İlham Əliyevin xalqa müraciəti ərəb mətbuatının diqqət mərkəzindədir.

AZƏRTAC xəbər verir ki, Səudiyyə Ərəbistanının “Əl-Ərəbiyə”, Qətərin “Aljazeera”, İordaniyanın “Almamlaka”, Misirin “MBC Masr”, “Extranews” və “Nilenews”, “Skynews Arabic”, “İ24 Arabic” televiziya kanallarının efirində Azərbaycan xalqının Qələbə sevinci, dövlətimizin başçısının xalqa müraciəti haqqında geniş reportajlar yayımlanıb. Ərəb televiziya kanalları, həmçinin Ermənistanın məğlubiyyəti, ermənilərin Yerevanda Paşinyanın kabinetinə hücum etməsi barədə də süjetlər veriblər.

Ərəb ölkələrinin informasiya agentlikləri də Azərbaycan xalqının tarixi Qələbəsi barədə xəbərlər yayıb. Misirin MENA və “Asiaelyoum”, Tunisin TAP xəbər agentliklərinin saytlarında Azərbaycan Prezidenti İlham Əliyevin xalqa müraciətini və ermənilərin Yerevanda iğtişaşlar törətməsi barədə yazılıb.

Tarixi Qələbəmiz haqqında materiallar ərəb ölkələrinin nüfuzlu qəzetlərində də dərc edilib. “Arabnews”, “Əl Əhram”, “Jordantimes”, "Əl Cəzirə" nəşrlərinin səhifələrində Müzəffər Ali Baş Komandanımızın xalq müraciəti və ermənilərin təslim olması barədə yazılar dərc edilib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.