Bakı, 10 iyun, AZƏRTAC

Azərbaycan Dillər Universitetinin (ADU) Tərcümə fakültəsinin müəllimləri Bahar Əliyeva və Nərmin Məhərrəmovanın həmmüəllifi olduqları ilk “Azərbaycanca-Koreyaca lüğət”i çapdan çıxıb.

ADU-dan AZƏRTAC-a bildirilib ki, “Simsim” nəşriyyatında işıq üzü görən lüğətə təxminən 15 minə yaxın söz və ifadə daxil edilib. Lüğət Koreya Araşdırmalar Mərkəzinin 2019-2022-ci illərdə həyata keçirdiyi “Koreya Respublikasının Təhsil Nazirliyi və Koreyaşünaslıq Akademiyasının “Seed Program for Korean Studies” layihəsi çərçivəsində tərtib edilib.