İQTİSADİYYAT


Azərbaycanda 3 kiçik dövlət müəssisəsi özəlləşdirilib

Bakı, 11 may, AZƏRTAC

Əmlak Məsələləri Dövlət Xidməti tərəfindən keçirilən növbəti hərracda 3 kiçik dövlət müəssisə və obyekti özəlləşdirilib.

Xidmətdən AZƏRTAC-a bildirilib ki, satılan əmlaklar İmişli, Lənkəran və İsmayıllı rayonlarında yerləşir, xidmət və emal sahələrinə aiddir. Əmlaklar torpaq sahələri ilə birgə özəlləşdirilib.

Budəfəki hərracda satılmış dövlət əmlakları üzrə 67 min 500 manat vəsaitin dövlət büdcəsinə ödənilməsi nəzərdə tutulur.

Hərracda özəlləşdirilən dövlət əmlaklarının siyahısı ilə buradan tanış olmaq mümkündür: (https://bit.ly/3ysd2Ow )

Məlumat üçün bildiririk ki, cari ay üzrə növbəti hərrac mayın 17-də keçiriləcək. Hərraca 10 kiçik dövlət müəssisə və obyekti çıxarılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.