CƏMİYYƏT


Azərbaycanda Qida Təhlükəsizliyi Klinikası yaradılacaq

Bakı, 13 fevral, AZƏRTAC

Qida Təhlükəsizliyi Agentliyi tərəfindən Qida Təhlükəsizliyi Klinikasının yaradılması nəzərdə tutulub. Klinikanın nəzdində Biotəhlükəsizlik və Xəstəliklərdən Qorunma Mərkəzi və Toksikoloji Araşdırmalar Mərkəzi fəaliyyət göstərəcək.

AZƏRTAC xəbər verir ki, bu barədə Qida Təhlükəsizliyi Agentliyinin sədri Qoşqar Təhməzli Yeni Azərbaycan Partiyasının İcra Katibliyində keçirilən mətbuat konfransında məlumat verib.

Sədr deyib: “Biotəhlükəsizlik və Xəstəliklərdən Qorunma Mərkəzi respublikamızın biotəhlükəsizlik statusunun mütəmadi nəzarətdə saxlanılması, ölkə xaricində və ya daxilində meydana çıxan biolojik təhlükə qaynaqlarının araşdırılması, qiymətləndirilməsi, qabaqlayıcı tədbirlərin görülməsi, biolojik agent qaynaqlı böhran vəziyyətində müvafiq əlaqələndirmənin həyata keçirilməsi, ölkənin biotəhlükəsizlik statusuna təhdid ola biləcək biolojik agentlərdən qorunma məqsədi ilə elmi-praktik tədqiqatlarının aparılması, biolojik agent qaynaqlı alovlanmaların mənşəyinin təyin edilməsi və ona qarşı tədbirlər görülməsi məqsədilə genom xəritəsinin təyin edilməsi və müvafiq biotexnoloji metodların tətbiqi sahəsində fəaliyyət göstərəcək. Mərkəz, həmçinin quş qripi, yüksək patogenliyə malik koronavirus növlərinin, qara yara kimi xüsusi təhlükəli xəstəliklərin sürətli diaqnozunun qoyulması, tədqiqinin aparılması və belə hallara çevik reaksiya verilməsi məqsədilə 3-cü səviyyəli biotəhlükəsizlik laboratoriyaların formalaşdırılması, xəstəliklərdən qorunma məqsədilə ölkə əhalisinin mütəmadi maarifləndirilməsi məsələləri ilə də məşğul olacaq”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.