CƏMİYYƏT


Azərbaycanda aparılan koronavirus testlərinin sayı açıqlanıb

Bakı, 7 avqust, AZƏRTAC 

Avqustun 7-də Azərbaycanda koronavirusa yeni yoluxma hallarının müəyyənləşdirilməsi ilə əlaqədar 6872 test aparılıb. Ötən müddət ərzində aparılan testlərin sayı 773 min 51-ə çatıb.

Bu barədə AZƏRTAC-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Hazırda müalicəsi davam etdirilən aktiv koronavirus xəstələrinin sayı 3197-yə bərabərdir. Xəstələrdən 261 nəfəri reanimasiyadadır ki, onlardan da 50-i süni tənəffüs cihazına qoşulub.

Xatırladaq ki, avqustun 7-də Azərbaycanda koronavirus infeksiyasına daha 129 yoluxma faktı qeydə alınıb, 421 nəfər müalicə olunaraq sağalıb və evə buraxılıb. COVID-19 üçün götürülən analiz nümunələri müsbət çıxmış dörd nəfər vəfat edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.