İQTİSADİYYAT


Azərbaycanda ötən ilin sonuna 18 aktiv neft platforması olub

Bakı, 8 iyun, Nihad Budaqov, AZƏRTAC 

Azərbaycanda keçən ilin sonuna 18 aktiv neft platforması fəaliyyətdə olub.

AZƏRTAC xəbər verir ki, bu barədə Neft İxrac edən Ölkələr Təşkilatının (OPEC) illik statistik hesabatında deyilir.

Ötən ilin sonuna olan məlumata görə, Xəzəryanı ölkələrdən Rusiyadakı aktiv neft platformalarının sayı 332, İranda 157, Qazaxıstanda 59, Türkmənistanda isə 12 ədəd təşkil edib.

Aktiv neft platformalarının sayına görə dünyada ilk sırada 942 ədədlə Çin, ikinci yerdə 930 ədədlə ABŞ, üçüncü sırada Rusiya (332 ədəd), dördüncü yerdə 205 ədədlə Kanada, beşinci sırada isə 189 ədədlə Venesuela qərarlaşıb. Dünyada ən az aktiv neft platforması olan ölkə 1 ədədlə Liviyadır.

Keçən ilin sonuna dünyada fəaliyyətdə olan aktiv neft platformalarının sayı 3 min 807 ədəd olub. Bunun 19,8 faizi, yəni 754 ədədi OPEC-ə üzv ölkələrdədir. İqtisadi Əməkdaşlıq və İnkişaf Təşkilatı (OECD) üzrə aktiv neft platformalarının sayı 1231 ədəd, keçmiş Sovet İttifaqına üzv ölkələrdə isə 452 ədəddir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.